कुङ्कुमरुचिपिङ्गमसृक्पङ्किलमुण्डालिमण्डितं मातः ।
जयति तव रूपभेदं [१]जपपटपुस्तकवराभयानकरम् ॥ १३ ॥
क[२]नकमणिकलितभूषां कालायसकलहायमानकान्तिजालाम् ।
कामाक्षि शीलये वा कपालशूलाभिरामकरकमलाम् ॥ ९४ ॥
लोहिति[३]मपुञ्जमध्ये मोहितभुवनं मुदा निरीक्षन्ते।
वदनं तव कुचयुगलं काञ्चीसीमां च के[४]पि कामाक्षि ॥ ९५ ॥
ज[५] जलधिद्विगुणितहुतबहदशदिनेशकलाश्विनेयदलैः ।
नलिनैर्महेशि गच्छसि [६]सर्वोत्तमं त्वं करन्ध्रवृतनलिनम् ॥ ९६ ॥
सकृतदेशिकचरणा सबीजनिर्बीजयोगनिश्रेण्या:
अपवर्गसौधवलभीमारोहन्त्यम्ब केऽपि तव कृपया ॥ ९७ ॥
अन्तरपि बहिरपि त्वं जन्तुततेरन्तकान्तकृदहंते।
चिन्तितसंता[७]नकला संततमपि संतनुष्व महिमानम् ॥ ९८॥
जय जय जगदम्ब शिव जय जय कामाक्षि जयजयाद्रिसुते ।
जय जय महेशदयिते जय जय चिद्गगनकौमुदीघारे ॥ ९९ ॥
आ[८]र्याशतक भक्त्या पठतामायोकटाक्षेण।
निःसरति बदनकमलाद्वाणी पीयूषधोरणी दिव्या ॥ १०० ॥
इति श्रीमूककविसार्वभौमकृतौ पञ्चशत्यामार्थाशतक चतुर्थम् ।