सामवेदः/कौथुमीया/संहिता/पूर्वार्चिकः/छन्द आर्चिकः/1.1.6 षष्ठप्रपाठकः/1.1.6.9 नवमी दशतिः

पवस्व मधुमत्तम इन्द्राय सोम क्रतुवित्तमो मदः | महि द्युक्षतमो मदः || ५७८ ||	१अ १छ्
अभि द्युम्नं बृहद्यश इषस्पते दिदीहि देव देवयुं | वि कोशं मध्यमं युव || ५७९ ||	२अ २छ्
आ सोता परि षिञ्चताश्वं न स्तोममप्तुरं रजस्तुरं | वनप्रक्षमुदप्रुतं || ५८० ||	३अ ३छ्
एतमु त्यं मदच्युतं सहस्रधारं वृषभं दिवोदुहं | विश्वा वसूनि बिभ्रतं || ५८१ ||	४अ ४छ्
स सुन्वे यो वसूनां यो रायामानेता य इडानां | सोमो यः सुक्षितीनां || ५८२ ||	५अ ५छ्
त्वं ह्या३ङ्ग दैव्या पवमान जनिमानि द्युमत्तमः | अमृतत्वाय घोषयन् ||५८३ ||	६अ ६छ्
एष स्य धारया सुतोऽव्यो वारेभिः पवते मदिन्तमः | क्रीडन्नूर्मिरपामिव || ५८४ ||	७अ ७छ्
य उस्रिया अपि या अन्तरश्मनि निर्गा अकृन्तदोजसा | अभि व्रजं तत्निषे गव्यमश्व्यं वर्मीव धृष्णवा रुज | ॐ वर्मीव धृष्णवा रुज || ५८५ ||	८अ ८छ् ८ए