संस्कृतम्: सामिधेनीऋचां अयं ध्वन्यांकनं फाल्गुनकृष्णअष्टमी, विक्रमसंवत् २०७६ तिथौ हरिद्वारनगरे आयुष्कामनवरात्रसोमयागे कृतमस्ति।

तदद्य वाचः प्रथमं मसीय येनाऽसुराँ अभि देवा असाम । ऊर्जाद उत यज्ञियासः पञ्च जना मम होत्रं जुषध्वम् ।। १०.५३.४ प्र वो वाजा अभिद्यवो हविष्मन्तो घृताच्या । देवाञ्जिगाति सुम्नयुः ।। ३.२७.१ अग्न आ याहि व्रीतये गृणानो हव्यदातये । नि होता सत्सि बर्हिषि ।। तं त्वा समिद्भिरङ्गिरो घृतेन वर्धयामसि । बृहच्छोचा यविष्ठ्य ।। स नः पृथु श्रवाय्यमच्छा देव विवाससि । वृहदग्ने सुवीर्यम् ।।६.१६.१०-१५ ईळेन्यो नमस्यस्तिरस्तमांसि दर्शतः । समग्निरिध्यते वृषा ।। वृषो अग्निः समिध्यतेऽश्वो न देववाहनः । तं हविष्मन्त ईळते ।। वृषणं त्वा वयं वृषन् वृषणः समिधीमहि । अग्ने दीद्यतं बृहत् ।। ३.२७.१३-१५ अग्निं दूतं वृणीमहे होतारं विश्ववेदसम् । अस्य यज्ञस्य सुक्रतुम् ।।१.१२.१ समिध्यमानो अध्वरेऽग्निः पावक ईड्यः । शोचिष्केशस्तमीमहे ।।३.२७.४ समिद्धो अग्न आहुत देवान् यक्षि स्वध्वर । त्वं हि हव्यवाळसि ।। आ जुहोता दुवस्यताऽग्निं प्रयत्यध्वरे । वृणीध्वं हव्यवाहनम् ।।।५.२८.५ -६ सूर्यो नो दिवस्पातु वातो अन्तरिक्षात् । अग्निर्नः पार्थिवेभ्यः।।१०.१५८.१ नमो महद्भ्यो नमो अर्भकेभ्यो नमो युवभ्यो नम आशिनेभ्यः । यजाम देवान् यदि शक्नवाम मा ज्यायसः शंसमा वृक्षि देवाः ।।१.२७.१३ विश्वे देवाः शास्तन मा यथेह होता वृतो मनवै यन्निषद्य । प्र मे ब्रूत भागधेयं यथा वो येन पथा हव्यमा वो वहानि ।।१०.५२.१ अराधि होता निषदा यजीयानभि प्रयांसि सुधितानि हि ख्यत् । यजामहे यज्ञियान् हन्त देवाँ ईळामहा इड्याँ आज्येन ।।१०.५३.२

तदद्य वाचः प्रथमं मसीय.... ।।१०.५३.४