संस्कृतम्: बहिष्पवमानसर्पणस्य अयं वीडियो चित्रः वैशाखशुक्लषष्ठी, विक्रमसंवत् २०७९ तिथौ स्वामी विवेकानन्द योग अनुसन्धान संस्थानम्, जिगनी, बेंगलूरु नगरे पशुकामनवरात्रसोमयागतः गृहीतमस्ति। बहिष्पवमानकृत्यस्य उद्देश्यं आरण्यकपशुषु वीर्यस्य सिञ्चनं, केनापि प्रकारेण तेषां ग्राम्यपशूनां रूपान्तरणमस्ति। अध्वर्युः प्रथमस् सर्पति प्राणो यज्ञस्य। तस्माद् यद् अवच्छिद्येरन् प्राणाद् अवच्छिद्येरन् प्रमायुकास् स्युः। प्रस्तोता द्वितीयस् सर्पति मुखं साम्नः। तस्माद् यद् अवच्छिद्येरन् मुख्याम् आर्तिम् आर्छेयुः। उद्गाता तृतीयस् सर्पति सर्वदेवत्यः प्रजापतिः। तस्माद् यद् अवच्छिद्येरन् सर्वज्यानिं जीयेरन्। प्रतिहर्ता चतुर्थस् सर्पति तुरीयं साम्नः। तस्माद् यद् अवच्छिद्येरंस् तुरीयेणात्मनो यातयेयुः। यजमानः पञ्चमस् सर्पति। पांक्तो यज्ञः पांक्ताः पशवः। तस्माद् यद् अवच्छिद्येरन् यज्ञात् पशुभ्यो ऽवच्छिद्येरन्॥जै.ब्रा. १.८५॥https://sa.wikisource.org/s/eh0