शिबिकावक्रवंशलक्षणम्
- शिबिकावक्रवंशलक्षणम्
०१कख - अभिवाद्य गणाधीशम् , आभीष्टफलदायिनम्
०१गघ - शिबिकावक्रवंशस्य , प्रमाणम् किञ्चिद् उच्यते
०२कख - वेणोः शुभाङ्कुरं दृष्ट्वा , यत्नेन परिपालयेत्
०२गघ - वराहशललीकीट,भृङ्गदंशाद्युपद्रवात्
०३कख - दृढया परिवृत्त्या च , वचाचूर्णादिभिः पुनः
०३गघ - हस्तोन्नतात् पूर्वम् अस्य , सुमुहूर्ते विनायकम्
०४कख - सम्पूज्य जलगन्धाद्यैः , सूपलाज्<आ>दिभिस् तथा
०४गघ - वंशस्य पार्श्वयोः खात्वा , यन्त्रस्तम्भौ विनिक्षिपेत्
०५कख - यत्र रन्ध्रपथा गत्वा , वक्रवेणुर् भविष्यति
०५गघ - यन्त्रमानम् इति प्रोक्तं , दशहस्तसमायतम्
०६कख - मुनिसङ्ख्याङ्गुलं वीथ्या , तदर्धं घनम् एव च
०६गघ - एवं स्तम्भद्वये सूत्रं , सिद्धे पञ्चदशं तु वा
०७कख - त्रयोदशं वा ह्[र्]अस्वाख्य,पट्टिकास्तम्भवीथिवत्
०७गघ - एकाङ्गुलं द्व्यङ्गुलं वा , घनं तासाम् उद्<ई>रितम् %\var{dvyaṅgulaṃ] \emV (vipulā); dvayāṅgulaṃ \ed \hypermetrical typo?}
०८कख - सार्धैकहस्तं वा दीर्घं , सपादं वात्र कल्पयेत्
०८गघ - स्तम्भयोर् मूलतस् त्यक्त्वा , विंशत्यङ्गुलमात्रकम्
०९कख - एकैकहस्तम् आयातां , चतुरः पट्टिकां क्रियात्
०९गघ - पदाधिकद्विहस्तेन , तस्मात् तु कुटिलायतम्
१०कख - कुटिले पट्टिकाः सप्त , पञ्चकम् वा समांशके
१०गघ - स्तम्भयोः कल्पयेद् अस्मान् , मूलवच् चतुरो ऽग्रके
११कख - तदधिरोहिणीवेदं , यन्त्रमन्त्रौ भविष्यति
११गघ - मूलाग्रपट्टिकाष्टानां , रन्ध्राणां विधिम् उच्यते
१२कख - स्तम्भयोः पट्टिकायोगात् , प्रथमे त्र्यङ्गुलं त्यजेत्
१२गघ - द्वितीये च तृतीये च , द्व्यङ्गुलं तु चतुर्थके
१३कख - त्र्यङ्गुलं कुटिलाग्रात् तु , चतुर्थं पूर्ववत् तथा
१३गघ - त्यक्ताङ्गुलान्तरे रेखां , कारयेद् अतिसूक्ष्मतह्
१४कख - रेखाम् आश्रित्य पृष्ठे तु , रन्ध्रान् वंशगतोपमान्
१४गघ - त्रियवाधिकमानेन , सुवृत्तान् वक्रगम्यकैः
१५कख - कुटिलान्तह्स्थिते खर्व,पट्टिकासप्तके क्रमात्
१५गघ - घने द्व्यङ्गुलमाने च , रन्ध्रान् कर्तुम् इहोच्यते
१६कख - अशाङ्कात् पट्टिकानां च , कुर्यात् पूर्वापरं घनं
१६गघ - तासाम् अधश् चोपरि च , वक्रगम्यायतं द्विधा
१७कख - ऊनाधिकत्रिपादार्ध्<ऐर्?> , अङ्गुलैः कुटिलक्रमम्
१७गघ - सपादनवकं चैव , पादाधिकदिवाकरः
१८कख - अर्धोनषोडशम् चैव , षोडशं च ततः परम्
१८गघ - अष्टादशत्रिपादोन,सार्धषोडशषोडशौ
१९कख - अर्धाधिकमनुस् तेन , सपादं तु त्रयोदश
१९गघ - सपादनिधिशैलौ च , सत्रिपादार्णवानलौ
२०कख - पक्षान्तरम् इहैवोक्तं , चतुर्थशरयोः क्रमात्
२०गघ - कला पञ्चदशा सार्धा , तत्सम्पादत्रयोदशम्
२१कख - सपादमिहिरेणापि , कुर्यान् मानं द्वयोर् इति
२१गघ - पट्टिकापञ्चके पक्षे , रुद्रादित्यौ तु षोडशौ
२२कख - तथैव च पुनः कुर्यात् , तत्त्रयोदशभास्करौ
२२गघ - रसबाणौ तृतीयात् तु , पक्षान्तरम् अथोच्यते
२३कख - मनुत्रयोदशौ सूर्य,दिशौ रसशराव् इति
२३गघ - विना पक्षान्तरेणैकं , वक्रक्रमम् अथोच्यते
२४कख - दशार्कशोडशाः सप्त,दशं चाष्टादशद्वयम्
२४गघ - अर्धोनाष्टदशं चैव , षोडशं च तिथिर् मनुः
२५कख - एकादशं दशम् सप्त , रसम् एतैश् च सप्तके
२५गघ - पूर्वक्रमेण तद्वक्रं , नॄणां नेत्रप्रियावहम्
२६कख - उक्तसङ्ख्याङ्गुलैर् एवं , कृत्वा रेखां ततः परम्
२६गघ - वक्रगम्यैः सुरन्ध्राणि , वेणोः पुष्ट्यैव पूर्ववत्
२७कख - रन्ध्रैश् च वंशयात्य् एवं , वक्रक्षेमकराय च
२७गघ - नित्यं वंशादिकं दृष्ट्वा , रज्जुकीलादिभिः सुधीः
२८कख - कुर्यात् तत्रोचितं कर्म , तथाप्य् अधिकसूक्ष्मतः
२८गघ - पिपीलिकादंशकीट,भृङ्गेभ्यः परिपालयेत्
२९कख - सार्धे मास्यनलाङ्खोर्ध्वान् , कण्टकान् दिनपण्चकैः
२९गघ - शराङ्गुलोर्ध्वम् एकैकं , सबहिश्चर्मकं त्यजेत्
३०कख - त्रि<मासेन व>चाचूर्ण,तैलं मासेन लेपयेत् %MS seems to read trimāsānidva?
३०गघ - अब्दान्ते लूनयेद् अग्रं , रुद्रहस्तात् परं ततः
३१कख - दिनवत्सरमासानां , चतुर्थं वा तृतीयकम्
३१गघ - नीत्वाथ सुमुहूर्ते तु , दीपविघ्नेश्वरादिभिः
३२कख - वेणोश् च लूनयेन् मूलं , ततो तिथिदिनात् परम्
३२गघ - यन्त्रं चोत्पाद्य तेनैव , सह भूमौ विनिक्षिपेत्
३३कख - पट्टिकाभ्यस्ततः स्तम्भौ , विमुच्यास्य तु कण्टकान्
३३गघ - आमूलम् एव विच्छिद्य , वंशान् मुच्येत पट्टिकाः
३४कख - परितः कण्टकस्थानं , सुशिल्पम् कारयेन् मृदु
३४गघ - किञ्चित् तु तिलजं लिप्त्वा , ततःसप्तदिनात् परम्
३५कख - सत्रिपादद्विहस्तं वा , सपादं मूलम् अप्य् अतः
३५गघ - सवितस्त्यायनेनैव , मूलाग्रे कारयेत् ततः
३६कख - अयुगाङ्गुलयुक्तैर् वा , हीनैर् अष्टायतं द्वयोः
३६गघ - स्वर्णेन रजतेनापि , सूकरस्य गजस्य च
३७कख - शीर्षमूलाग्रयोह् कृत्वा , हेमरूप्यारकूटकैः
३७गघ - बद्ध्वा त्रिबाणमुनिभिर् , अङ्गुलैर् आयतैः द्वयोः
३८कख - कल्पयेच् छिबिकायोग्य,वक्रवेणुं महामतिः
३८गघ - उक्तं वक्रोन्नतं त्व् अस्य , शुभं पञ्चदशाङ्गुलैः
३९कख - वक्रस्यान्तःस्थितानां तु , पट्टिकानां तृतीयकात्
३९गघ - पट्टिकापञ्चके पक्षे , द्वितीयाद् एव च क्रमात्
४०कख - त्रयोदशं च रुद्रश् च , निधिश् च शुभदोन्नतम्
४०गघ - आभ्यां तु कुटिलोर्ध्वाभ्यां , निपुणैर् दृष्टलक्षणैः
४१कख - केचिद् वक्रोच्चम् इत्य् आहुस् , तथा वंशश् च दृश्यते
४१गघ - स्तम्भयोर् अन्तरे द्वे वा , त्रयं वाङ्कुरम् अति चेत्
४२कख - पूर्वरन्ध्रापरान् नेत्रा,ङ्गुलं वार्धोनम् एव वा
४२गघ - त्यक्त्वातो वंशपुष्ट्यात्र , कुर्याद् रन्ध्राणि पूर्ववत्
४३कख - पुनर् अप्य् एवम् एकैकां , सुषिरालिं च कल्पयेत्
४३गघ - तयैव गत्वा स्वाविद्धा , सम्भविष्यन्ति वेणवः
४४कख - वक्राश् चायतमूलाग्रै,क्याङ्गुलैष्टाभिर् हृताः
४४गघ - ध्वजाद्ययुगयोन्याद्यां , द्विजादिक्रमतः शुभाः
॥वंशवक्रप्रकरणम्॥