पृष्ठम्:Mudrarakshasa.pdf/१७८

विकिस्रोतः तः
Jump to navigation Jump to search
एतत् पृष्ठम् परिष्कृतम् अस्ति


                                        तृतीयोऽङ्कः।                                        १८५   

राजा -- (आत्मगतम् ) एवमस्मासु गर्ह्येमाणेषु खकार्यसिद्धिकामः सकामो भवत्वार्यः। (प्रकाशम्।) शोणोत्तरे, अनेन शुष्कक लहेन शिरोवेदना मां बाधते। शयनगृहमादेशय।

प्रतीहारी-एदु एदु देवो। (क)

राजा -- (आत्मगतम्।)

    आर्याज्ञयैव मम लङ्घितगौरवस्य
       बुद्धिः प्रवेष्टुमिव भूविवरं प्रवृत्ता ।
    ये सत्यमेव हि गुरूनतिपातयन्ति
       तेषां कथं नु हृदयं न भिनत्ति लज्जा ॥ ३३ ॥
                                    (इति निष्क्रान्ताः सर्वे)
                                        तृतीयोऽङ्कः।

(क) एतु एतु देवः ।

एवमिति। एवमावयोः कृतेऽपि (कृतकेऽपि) विरोधे लोकैस्तथ्यत्वेन गृहीते आयेचिकीर्षितो मलयकेतुराक्षसयोर्विरोधः सुष्ठु संपत्स्यत इति भावः। इदं सिद्धवद्भाविश्रेय:कथनं प्ररोचना।

आर्याज्ञयैवेति । भूविवरं प्रवेष्टुं लज्जातिशयेन स्वनिल (विल)यमभ्युपगन्तुमिव प्रवृत्तेत्यर्थः। 

इत्थमत्र नियताप्तिः प्रदर्शिता ॥ ३३ ॥ इति श्रीत्र्यम्बकयज्वप्रभुवर्याश्रितदुण्ढिराजव्यसयज्वविरचिते मुद्राराक्षसनाटकव्याख्याने तृतीयोऽङ्कः समाप्तः॥

१.विशङ्कमाणेषु E.; निगृ.° B. N. G. २ °कामःस° om. in R; after प्रकाशम् E. has आर्य आर्य शीघ्रम् गच्छ गच्छ। कञ्च°. यदाज्ञापयत्यार्य इति निष्क्रान्तः।

 राजा। शोणोत्तरे &c. as in text; G. has आर्ये before शोणो°; R. om. अनेन.

३ शिरोव्यथा G; B. N. P. add तत्.; E, ततः before शयन°; °गृहमर्यमा°. P.; मार्गमा A. ४ कञ्च° M; P. R, E. om. one. एदु. For देवो R. has देव्वो, B. N. महाराओ. ५ B. E. N. add आसनादुत्थाय before this; G. om. this all. ६ वेष्टुमवनेर्विवे° B. E. N. G; G. reads विवरे. ७ न B. E. N. H. G; E. H.read गुरुम्; For अतिपातयन्ति G. and N. (s) read प्रतिपादयन्ति; B. E.

 H. प्रतिमानयन्ति.

८ इति before this in B. N.; इति मुद्राराक्षसनाटके in P. कृतक्कलहः in E.

"https://sa.wikisource.org/w/index.php?title=पृष्ठम्:Mudrarakshasa.pdf/१७८&oldid=160111" इत्यस्माद् पुनः प्राप्तिः