दृश्यते च पूर्वेद्युर्निमन्त्रितेषु ब्राह्मणेषु श्राद्धापरिसमाप्तावेव सायंप्रातर्होमकरणमिति मदनपारिजाते ।
द्वितीयः कालो भविष्यपुराणे--
"पितॄन्संतर्प्य विधिवद्बलिं दत्त्वा विधानतः । |
बलिशब्दार्थस्तत्रैवोक्तः--
"ये अग्निदग्धामन्त्रेण भूमौ यन्निक्षिपेद्बुधः । |
तृतीयो मत्स्यपुराणे--
"उच्छेषणं तु तत्तिष्ठेद्यावद्विप्रा विसर्जिताः ॥ |
भविष्येऽपि--
"कृत्वा श्राद्धं महाबाहो ब्राह्मणांश्च विसृज्य तु । |
मनुरपि--
"उच्छेषणं तु तत्तिष्ठेद्यावद्विप्रा विसर्जिताः । |
अत्र बलिशब्दो वैश्वदेवप्रदर्शनार्थ इति मेधातिथिः(थि)([२]क[३]र्कौ (?) । काकबलिपर इति दिवोदासः । यत्तु गोविन्दार्णवे वचनम्--
"याजुषाः सामगाः पूर्वं मध्ये जुह्वति बह्वृचाः । |
इति तद्धेमाद्र्यादिग्रन्थेष्वदर्शनान्निर्मूलम् ।
तैत्तिरीयाणां साग्निकानां सर्वत्राऽऽदौ वैश्वदेवः पञ्च यज्ञाश्च । अन्ते वेति सुदर्शनभाष्ये ।)
वृद्धिश्राद्धादिषु वैश्वदेवकालविशेषः स्मृत्यन्तरे--
"वृद्धावादौ क्षये चान्ते दर्शे मध्ये महालये । |
क्षये चेत्यत्र चकार आदिपदानुकर्षणार्थः । इदं निरग्निकविषयम्, दर्शेऽप्यन्त एवेति प्रयोगवैजयन्तीकारादयः । ([५] एतद्वचनानुक्तेषु श्राद्धे[६]षु त्वनग्निकस्य पूर्वोक्तास्त्रयः सामान्यतः काला ज्ञेयाः ।)