वैश्वदेवाख्यं कर्म दिवा द्विस्तथा रात्रावपि द्विर्न कर्तव्यम् ।
"धर्मविन्नाऽऽचरेत्स्नानमाह्निकं च पुनः पुनः । |
([२]रागतः प्राप्तस्यात्र निषेधः । )
वैश्वदेवबलिहृती सायं प्रातः, पञ्चयज्ञां(ज्ञा)स्तु दिवैव ।
यथाऽऽह जमदग्निः--
"वैश्वदेवं दिवा रात्रौ कुर्याद्बलित्दृर्ति तथा । |
येषां शाखिनां ब्रह्मयज्ञव्यतिरिक्तानां महायज्ञानां वैश्वदेवे बलिहृतौ चान्तर्भावः, तेषां दिवैव वैश्वदेवाख्यं कर्म न रात्रौ । यदि स्वशाखायां कालद्वयकर्तव्यतायां विधानं लिङ्गं[३] वा नास्ति । अस्ति च स्वशाखायां सू[४]त्रे नक्तमेवोत्तमेन वैहायस इति रात्रावपि वैश्वदेवकर्तव्यतायां विधानम्[५] । ये भूताः प्रचरन्ति दिवा नक्तं बलिमितिमन्त्रे लिङ्गे च । अतो[६] रात्रावपि भवतीति बोध्यम् । देवेभ्यः स्वाहेत्यादय एव देवयज्ञाः, वैश्वदेवस्तु भिन्न एवेति मते वैश्वदेव एव सायं भवति न तु देवेभ्यः स्वाहेत्यादियज्ञत्रयमिति ज्ञेयम् ।
अथाधिकारिनिर्णयः ।
तत्र नारदः--
"भ्रातॄणामविभक्तानामेको धर्मः प्रवर्तते । |
व्यासः--
होमाग्रदानरहितं न भोक्तव्यं कदाचन । |
एकेन मुख्येन ज्येष्ठेनेति यावत् । कृतमित्यनन्तरं भवेदिति शेषः ।
स्मृत्यन्तरेऽपि--
"सर्वैरनुमतिं कृत्वा ज्येष्ठेनैव तु तत्कृतम् । |
शाकलः--
"एकपाकेन वसतामेकं देवार्चनं गृहे । |
एकपाकेन वसतामविभक्तानामित्यर्थ इति कश्चित् । तन्न । अस्य[८] वक्ष्यमा