अभ्रंलिहमथोत्तुङ्गं एकस्तम्भसुविस्त्रृतम् ।
मध्येगङ्गं व्यतनुत मण्डपं नृपपुङ्गवः ॥ २७
महगारुडमन्त्रज्ञैः ओषधिज्ञैश्चिकित्सकैः ।
तक्षकस्य विषं हन्तुं यत्नं कुर्वन् समाहितः ॥ २८
अनेकदेवब्रह्मर्षिराजर्षिप्रवरान्वितः ।
आस्ते तस्मिन् नृपस्तुङ्गे मण्डपे विष्णुभक्तिमान् ॥ २९
तस्मिन्नवसरे विप्रः काश्यपो मन्त्रिकोत्तमः ।
राजानं रक्षितुं प्रायात् तक्षकस्य महाविषत् ॥ ३०
सप्तमेऽहनि विप्रेन्द्रो दरिद्रो धनकामुकः ।
अत्रान्तरे तक्षकोऽपि विप्ररूपी समाययौ ॥ ३१
मध्येमार्गं विलोक्याथ काश्यपं प्रत्यभाषत। ।
'ब्राह्मण ! त्वं कुत्र यासि ? वद मेऽद्य महामुने' ॥ ३२
इति पृष्टस्तदाऽवादीत् काश्यपस्तक्षकं द्विजः ।
परीक्षितं महाराजं तक्षकोऽद्य विषाग्निना ॥ ३३
धक्ष्यते तं शमयितुं तत्समीपमुपैम्यहम्' ।
इत्युक्तः स च तं विप्रं तक्षकः पुनरब्रवीत् ॥ ३४
'तक्षकोऽहं द्विजश्रेष्ठ ! मया दष्टश्चिकित्सितुम् ।
न शक्योऽब्दशतेनापि महामन्त्रायुतैरपि ॥ ३५
चिकित्सितुं चेन्मद्दष्टं शक्तिरस्ति तवाधुना ।
अनेकयोजनोच्छ्रायं दशाम्युज्जीवय द्रुमम् ॥ ३६
ततो भवान् समर्थो हीत्येवं मे भाति हे द्विज !' ।
इतीरयित्वा तं वृक्षं अदशत्तक्षकतदा ॥ ३७
अभवद्भस्मसात् सोऽपि वृक्षोऽत्यन्तसमुच्छ्रितः ।
पूर्वमेव नरः कश्चित् तं वृक्षमधिरूढवान् ॥ ३८
पृष्ठम्:श्रीवेङ्कटाचलमहात्म्यम्-२.pdf/८०
एतत् पृष्ठम् परिष्कृतम् अस्ति
६२
श्रीवेङ्कटाचलमाहात्म्यम्