कटिं स्पृशन् वामकरात् वरमुद्राञ्च दक्षिणात् ।
तिरोहितरमाभूभ्यां दृश्यते मृगयुर्यथा ॥ ३
नीलजीमूतसङ्काशः पीतकौशेयशोभितः ।
पीनवृत्तबृहद्बाहुः सुनासश्चाारुलोचनः ॥ ४
दोषगन्धविदूरश्च गुणसान्द्रः सुखोचितः ।
कोटिकन्दर्पलावण्यः स्फुरन्मकरकुण्डलः ॥ ५
बृहद्वक्षःस्थलावासो महालक्ष्म्या च शोभितः ।
तत्तदिष्टतमं कामं ददद्भक्तानुकम्पया ॥ ६
दर्शयन् भक्तवात्सल्यं यो ददैौ हस्तगे शुभे ।
शङ्खचक्रे नृपेन्द्राय "चक्रवर्ती"ति ये विदुः ॥ ७
अत एवारिश्ङ्खाभ्यां दृश्यते रहितौ करौ ।
अचोरूपशिलारूपविग्रहस्य महात्मनः ॥ ८
दिलीपः---
'कोऽयं नृपश्चक्रवर्ती किंपूर्वः सुचिरादभूत् ।
इदानीं वर्तते क्वायं का वाऽभूद्विपदस्य वै ? ॥ ९
यदर्थं देवदेवेन शङ्खचक्रे प्रसारिते ।
ब्रूहि विस्तरतो ब्रह्मन् ! श्रोतुं कौतूहलं हि मे' ॥ १०
दुर्वासाः---
पुरा कश्चिद्विजवरः आसीद्वैखानसो नृप ! ।
कृष्णक्षेत्रे चोलदेशे या हरिद्रा नदी शुभा ॥ ११
तत्तीरे वर्तते प्रीत्या हरिर्गोपालवेषवान् ।
तप्ते तपसि चोलेन 'धृतवर्मा' निधेन च ॥ १२
गोपालकृष्णरूपस्य दर्शनार्थं कलौ युगे ।
पञ्चविंशे तु यो भूमौ पुरा वैवस्वतेऽन्तरे ॥ १३