पश्चाद्युद्वसरस्तीर्थं विष्वक्सेनजयावहम् ।
इति मुख्यानि तीर्थानि महापतकसङ्क्षये ॥ २६
इति श्रीब्रह्मपुराणे श्रीवेङ्कटाचलमाहात्म्ये भक्तिवैराग्यप्रद-
अष्टषष्टितीर्थनामवैभववर्णनं नाम
पञ्चमोऽध्यायः ।।
***'
अथ षष्ठोऽध्यायः
मन्वाद्यष्टोत्तरशततीर्थनामानि
दुर्वासा:---
मन्विन्द्रवसुसंज्ञानि रुद्रादित्याह्वयानि च ।
नवप्रजेशसंज्ञानि ह्याश्विनं शुकसंज्ञितम् ॥ १
वरुणं जाह्नवीतीर्थं कापेयं काण्वमेव च ।
आग्नेयं नारदं तीर्थं सोमतीर्थञ्च भार्गवम् ॥ २
धर्मतीर्थं यज्ञतीर्थं पशुतीर्थं गणेश्वरम् ।
भौमाश्व पारिभद्रञ्च जगज्जाड्यहरं परम् ॥ ३
विश्वकल्लोलतीर्थञ्च तीर्थं यमविनिर्मितम् ।
बार्हस्पत्यं रोमहर्षं अजामोदं जनेश्वरम् ॥ ४
इष्टसिद्धिः कर्मसिद्धिः वाटमौदुम्बरं तथा ।
कार्तिकेयं कुब्जतीर्थं दशप्राचेतसं तथा ॥ ५
गारुडं शेषतीर्थञ्च वासुकिर्विष्णुवर्धनम् ।
कर्मकाण्डं पुण्यवृद्धिः ऋणमोचनमेव च ॥ ६
पर्जन्यं मेघतीर्थञ्च यत्र नित्यप्रवर्षणम् ।
साङ्कर्षणं वासुदेवं नारायणमतः परम् ॥ ७