ततो विषहरं तीर्थं आस्तिकेन विनिर्मितम् ।
तक्षकेणापि सन्दष्ट- स्वनेनैवेह निर्विषः ॥ १५
लक्ष्मीतीर्थं ततः पश्चात्
पूर्वस्यां दिशि संस्थितम् ।
वायव्यां दिशि तीर्थानि
चोत्तरस्यां तथैव च ॥ १६
ऋषितीर्थं महापुण्यं शतानन्दं सुतीक्ष्णकम् ।
वैभाण्डकं महापुण्यं बिल्वतीर्थमतः परम् ॥ १७
अधस्ताद्विष्णुतीर्थञ्च पुण्यं मारुतिनिर्मितम् ।
सर्वतीर्थमिति ख्यातं शारभन्तु तत परम् ॥ १८
ततो वायव्यदेशे तु ब्रह्मतीर्थं मनोहरम् ।
अश्वमेधेन यत्रेजे भगवन्तं सनातनम् ॥ १९
अधस्तादिन्द्रतीर्थन्तु भारद्वाजमतः परम् ।
ततस्त्वम्बरगङ्गाख्यं ततः प्राचेतसं तथा ॥ २०
ततः पापविनाशश्च तीर्थं सारस्वतं तथा ।
यत्र पापानि सर्वाणि क्षालितानि च सर्वशः ॥ २१
तोये च श्वेततां यान्ति जनानां पापकारिणाम् ।
कुमारधारिका नाम वायव्यां दिशि वर्तते ॥ २२
अधस्ताद्गजतीर्थन्तु ऋष्यशृङ्गमतः परम् ।
ततस्तुम्बुरुतीर्थञ्च नारदाद्यैश्च सेवितम् ॥ २३
तन्मध्येऽष्टादशं तीर्थं सर्वपापविनाशनम् ।
दशावतारतीर्थञ्च हालायुधमतः परम् ॥ २४
ततः सप्तर्षितीर्थञ्च गजकोणमतः परम् ।
वैष्वक्सेनं तथा तीर्थं पश्चिमे तु विराजितम् ॥ २५
पृष्ठम्:श्रीवेङ्कटाचलमहात्म्यम्-२.pdf/३९
एतत् पृष्ठम् परिष्कृतम् अस्ति
२१
श्रीब्रह्मपुराणे पञ्चमोऽध्यायः