पुटमेतत् सुपुष्टितम्
८४
सुवर्णमालास्तुतिः ।
ज्ञप्तिः सर्वशरीरेष्वखण्डि-
ता या विभाति सा त्वं भो।
साम्ब सदाशिव शंभो शंकर
शरणं मे तव चरणयुगम् ।। २० ॥
चपलं मम हृदयकपिं विषय-
द्रुचरं दृढं वधान विभो।
साम्ब सदाशिव शंभो शंकर
शरणं मे तव चरणयुगम् ॥ २१ ।।
छाया स्थाणोरपि तव तापं
नमतां हरत्यहो शिव भो।
साम्ब सदाशिव शंभो शंकर
शरणं मे तव चरणयुगम् ॥ २२ ॥
जय कैलासनिवास प्रमथग-
णाधीश भूसुरार्चित भो।
साम्ब सदाशिव शंभो शंकर
शरणं मे तव चरणयुगम् ॥ २३ ॥
