पुटमेतत् सुपुष्टितम्
॥ श्री ॥
॥ शइवपञ्चाक्षरनक्षत्रमालास्तोत्रम् ॥
श्रीमदात्मने गुणैकसिन्धवे नम शिवाय
धामलेशधूतकोकबन्धवे नम शिवाय ।
नामशेषितानमद्भवान्धवे नम शिवाय
पामरेतरप्रधानबन्धवे नम शिवाय ॥ १ ॥
कालभीतविप्रबालपाल ते नम शिवाय
शूलभिन्नदुष्टदक्षफाल ते नम शिवाय ।
मूलकारणाय कालकाल ते नम शिवाय
पालयाधुना दयालवाल ते नम शिवाय ॥ २ ॥
इष्टवस्तुमुख्यदानहेतवे नम शिवाय
दुष्टदैत्यवशधूमकेतवे नम शिवाय ।
सृष्टिरक्षणाय धर्मसेतवे नम शिवाय
अष्टमूर्तये वृषेन्द्रकेतवे नम शिवाय ॥ ३ ॥