पुटमेतत् सुपुष्टितम्
१८४
मृच्छकटिके
आर्यकः--भवतु, अवतरामि ।
चारुदत्तः---सखे ! नावतरितव्यम् । प्रत्यापनीतसंयमनस्य भवतोऽल1घुसंचारा गतिः । सुलभपुरुषसंचारेऽस्मिन्प्रदेशे प्रवहणं विश्वासमुत्पादयति, तत्प्रवहणेनैव गम्यताम् ।
आर्यकः--यथाह भवान् ।
चारुदत्तः---
क्षेमेण व्रज बान्धवान् |
आर्यकः-
ननु मया लब्धो भवान् बान्धवः |
चारुदत्तः--
स्मर्तव्योऽस्मि कथान्तरेषु भवता |
आर्यकः--
स्वात्मापि विस्मर्यते । |
चारुदत्तः----
त्वां रक्षन्तु पथि प्रयान्तममराः |
आर्यकः-
संरक्षितोऽहं त्वया |
चारुदत्तः-
स्वैर्भाग्यैः परिरक्षितोऽसि |
आर्यकः--
ननु हे तत्रापि हेतुर्भवान् ॥ ७ ॥ |
चारुदत्तः----य2दुद्यते पालके महती र3क्षा न वर्तते, तच्छीघ्रमपक्रामतु भवान् ।।
पाठा---9 लघुसंवारा, अतिलघुसंचारा. २ यत्रोद्यते. ३ रक्षा वर्तते.