पुटमेतत् सुपुष्टितम्
२७
॥ मालविकाग्निमित्रम् ॥
- परि० । अहो प्रयोगाभ्यन्तरः प्राश्निकः।
- सर्वे । प्रहसिताः ।
। मालविका च स्मितं करोति ।
- राजा । आत्मगतम् । आत्तसारश्चक्षुषा स्वविषयः । यदनेन
- स्मयमानमायताक्ष्याः किंचिदभिव्यक्तदशनशोभि मुखम् । 5
- असमग्रलक्ष्यकेसरमुच्छसदिव पङ्कजं दृष्टम् ॥ ११ ॥
- गण० । महाब्राह्मण न खलु नेपथ्यसंगीतकमिदम् । अन्यथा कथं त्वामर्चनीयं नार्चयिष्यामः ।
- विदूषक । १मए णाम मुध्धचादएण विअ सुख्खघणगज्जिदे अन्तरिख्खे जलपाणं इछ्छिदं ।
- परि० । एवमेव ।
- विदूषकः । २तेण हि पण्डिदपरिदोसपच्चआ मूढ़ाजादी । जइ
- तत्तहोदीए सोभणं गण्हिदं तदो इमं पारितोसिअं
- पअछ्छामि । इति राज्ञो हस्तात्कटकमाकर्षति ।
- १. मया नाम मुग्धचातकेनेव शुष्कघनगर्जितेन्तरिक्षे जलपानमिष्टम्।
- २. तेन हि पण्डितपरितोषप्रत्यया मूढजातिः । यद्यत्रभवत्या शोभनं गृहीतं तदिदं पारि-
- तोषिकं प्रयच्छामि ।
|
|
