आलोलनयनां कृष्णो लिं[१]पन्ती वीक्षणैर्दिशः । |
अत्र ‘आलिंगति' इति ।
हेरम्बचरणाम्भोजं महद्भृङ्गनिषेवितम् । |
अत्र 'वंदामहे' इति ।
जितकाञ्चनकुम्भश्रि सुघृणायतनं द्युतेः । |
अत्र 'जिघृक्षति' इति ।
रमासमानया कृष्णः सहासो राधया तया । |
अत्र 'विजहार' इति ।
अञ्चितोऽपि निकुञ्जोऽसौ कुञ्चत्कण्टकिवीरुधा । |
अत्र 'सौधायते' इति ।
वसन्तं प्राणिनां देहे वसतस्ते सुरोत्तम । |
अत्र 'याचामहे' इति ।
इति क्रियागोपनम् ।
कर्तृगुप्तं यथा--
सर्पात्क्रूरतरान्दैत्याननेकानवधीद्युधि । |
अत्र 'सर्पात्' इति ।
दृप्तानामात्मनारीणां सर्वसाम्राज्यसंभवः । |
अत्र 'आत्मना' इति ।
अन्ये भेदाः पूर्ववत् ।
इति कर्तृगोपनम् ।
- ↑ परसवर्णमकृत्वैव गुप्तताश्रिता.