राजा--किं वत्सराजः ।
काञ्चुकीयः-प्रसीदतु प्रसीदतु महासेनः। प्रियवचनानिवेदनत्वरया क्रमविशेषो नावेक्षितः ।
राजा–प्रियवचनमिति ।
देवी-(उत्थाय) (क) जेदु महासेणो ।
राजा--(सहर्षम् ) प्रियवचनपरिहार्या हि देवी । आस्यताम् ।
देवी--(ख) जे महासेणो आणवेदि । (उपविशति ।)
राजा–उत्तिष्ठोत्तिष्ठ, स्वैरमभिधीयताम् ।
काञ्चुकीयः--(उत्थाय) तत्रभवतामायेन शालङ्कायनेन गृहीतो वत्सराजः ।
(क) जयतु महासेनः ।
(ख) यद् महासेन आज्ञापयति ।
पात्रतां याती,ति प्रश्नेन सह दैवादव्यवधानसंघटितं ’ वत्सराजः पात्रतां याति “ इत्यर्थबोधनेन तस्यैव प्रक्षस्य सदृशयमुत्तरमिव भूत्वा वासवदत्तावत्सरजयोर्विवाहाव श्यम्भावित्वसूचकं किमपि शुभनिमित्तं सम्पन्नमिति बोद्धव्यम् ।
किमित्यादि ॥
निसर्गशत्रोर्वसराजस्य केवलनामग्रहणेन कुपितमिव राजानं मत्वा प्रसादयन्नह--प्रसीदत्वित्यादि । क्रमविशेषः वत्सराजपदोच्चारणसंबद्धोः विशिष्टः क्रमः । स च ‘ गृहीतो वत्सराजः, इत्येवंरूपो वक्ष्यमाणः । एतदनन्तरं ‘भूमौ पतति ’ इत्यपेक्षितम् , अग्रे काञ्चुकीयस्योत्थानवचनात् ॥
प्रियवचनमितीति । किं ब्रवीषीत्यर्थगभ्यम् ॥
प्रियवचनस्य राजैकश्राव्यत्वबुद्धया ततो निर्गमनार्थमुत्थायामणाङ्कं समुदाचारमाचरति-जेडु इत्यादि ॥
प्रियेत्यादि । इह नञर्थकाक्का देवी प्रियवचनपरिहार्यो न भवतीत्यर्थः । आस्यताम् , अर्थात् प्रियवचनं क्ष्रोतुम् ॥
जामित्यादि ॥
उत्तिष्ठेत्यादि । स्वैरं निश्शङ्कम् ॥
तत्रभवतेत्यादि ॥
