पुटमेतत् सुपुष्टितम्
1952.]
श्रीपद्मिनीपरिणये तृतीयोऽङ्कः
- विसृज मयि यथेच्छं मन्मथ त्वं पृषत्कान्
- त्वयि कथमपराधो दैवमेवाद्य वाच्यम् ।
- त्वरितममृतवापीं द्राङ्मिमंक्षाऽवतीर्णे
- मयि हेि तिरयति स्म त्यक्तकारुण्यमेनाम् ॥
- विसृज मयि यथेच्छं मन्मथ त्वं पृषत्कान्
(सानुस्मरणम्) प्रयान्त्या तया मयि समाविष्कृतोऽनुरागः ।
तथाहि--
- गत्वा पदानि कतिचित्कमलायताक्षी
- नेत्नातिवर्तिपदसन्निहितैकपादा ।
- आसिञ्चति स्म वलिनं गलमारचय्य
- तादृक्कटाक्षसुधया प्रणयादियं माम् ॥
- गत्वा पदानि कतिचित्कमलायताक्षी
भवतु भावज्ञं सखायमुपगम्य केनाप्युपायेन लब्धप्रियतमाभूयोदर्शनो भविष्यामि ।
(इति निष्क्रान्ताः सर्वे)
॥ इति पद्मिनीपरिणये पद्मिनीभास्करावलोकनं नाम तृतीयोऽङ्कः ॥
35
