'अति अदि बन्धन' इति मैत्रेयरक्षितः । 'तान्तं द्रामिडाः पठन्ति । आर्यास्तु दान्तम् इति धनपालः' । क्षीरस्वामी तु अति अदीत्येव पठित्वा तथैव चोदाहृत्याह- "अतेः पाठोऽनार्षः । अन्ये 'अदि इति बन्धन' इति पेठुः । [१]तनुयाञ्चकार" इति । 'अत सातत्यगमने ॥
स्मृत्यां चेतति संज्ञाने तत्र चेतयते णिचि ॥ ९४ ॥
'चिति स्मृत्याम्' । 'चिती संज्ञाने' । 'चित सञ्चेतने। इति मैत्रेयरक्षितः। संवेदन इति बहवः ॥
कृणत्ति कृन्ततीत्येते वेष्टने छेदने क्रमात् ।
कीर्त्तयेदिति संशब्दे
'कृती वेष्टने' । रुधादिः । 'कृती छेदने । मुचादिः' । 'कृत संशब्दने' । 'उपधायाश्च (७-१-१०१) इतीत्वं रपरत्वं च । 'उपधायां च' (८-२-७८) इति दीर्घः ॥
'पत गतौ वा' । कथादिः । केचित् तु वेति न पठन्ति ।
[२]तथैव च 'स्पृहिगृहिपतिदयिनिद्रातन्द्राश्रद्धाभ्य आलुच्' (३-२०-१५८) इत्यत्र [३]वृत्तौ दृश्यते । वापाठे तु सति यावदुपयुक्तं वृत्तिकृता [४]पठितमिति कल्पनीयम् । तत्र च वापाठपक्षे तस्य णिज्विकल्पार्थत्वात् पतेत्यस्य पतयेत् पतेदिति भवति; पत्ऌ गतौ
