क्रीत्वा पण्यमप्रतिगृह्णतो द्वादशपणो दण्डः, अन्यत्र दोषो
पनिपाताविषह्येभ्यः ।
समानश्चानुशयः विक्रेतुरनुशयेन । विवाहानां तु त्रयाणां
पूर्वेषां वर्णानां पाणिग्रहणासिद्धमुपावर्तनम् । शूद्राणां च प्रकर्म
णाम् । वृत्तपाणिग्रहणयोरपि दोषमौपशायिकं दृष्ट्वा सिद्धमुपा
वर्तनम् । न त्वेवाभिप्रजातयोः ।
कन्यादोषौपशायिकमनाख्याय प्रयच्छतः कन्यां पण्णव
तिर्दण्ड. शुल्कस्त्रीधनप्रतिदानं च ।
वरयितुर्वा वरदोषमनाख्याय विन्दतो द्विगुणः । शुल्कली
धननाशश्च ।
द्विपदचतुष्पदानां तु कुष्ठव्याधितानामशुचीनामुत्साहस्वा
स्थ्यशुचीनामाख्याने द्वादशपणो दण्ड. ।
आत्रिपक्षादिति चतुष्पदानामुपावर्तनम् ।
आसंवत्सरादिति मनुष्याणाम् । तावता हि कालेन शक्यं
शौचाशौचौ ज्ञातुमिति ।
दाता प्रतिगृहीता च स्यातां नोपहतौ यथा।
दाने क्रये वाऽनुशयं तथा कुर्युस्सभासदः ॥
इति धर्मस्थीये विक्रीतकीतानुशयः पञ्चदशोऽध्यायः
आदितो द्विसप्ततितमः