प्रकाशार्थमल्पमूर्ध्वं वातायनं कारयेत् । [१]सम्भूय वा गृहस्वा-
मिनो यथेष्टं कारयेयुरनिष्टं वारयेयुः ॥
वानलट्याश्चोर्ध्वमाहार्यभागकटप्रच्छन्नमवमद्भक्तिं[२] वा कार
येत् वर्षावाधा[३]भयात् । तस्यातिक्रमे पूर्वस्साहसदण्ड ॥
प्रतिलोमद्रा[४]रवातायनबाधायां च अन्यत्र राजमार्गर-
थ्याभ्यः ॥
स्वातयोवान[५]प्रणालीनिश्रेण्यवस्कर[६]भागैर्बहिर्वाधायां भोग-
निग्रहे च परकुड्यमुदकेनोपघ्ननो द्वादशपणो दण्ड । मूत्र-
पुरीषोपघाते द्विगुण ।।
प्रणाळीमोक्षो वर्षति । अन्यथा द्वादशपणो दण्डः ॥
प्रतिषिद्धस्य च बसतो निरस्यतश्चावक्रयणं[७]अन्यत्र पारु
ष्यस्तेयसाहससङ्गहणमिथ्याभोगेभ्यः ।।
स्वयमभिप्रस्थितो वर्षावक्रयशेषं दद्यात् ।।
सामान्ये वेश्मनि साहाय्यमप्रयच्छतस्सामान्यमुपरुन्धतो
भोगं च गृहे[८] द्वादशपणो दण्डः। विनाशयतस्तद्विगुणः ॥
कोष्ठकाङ्गणवर्जानामग्निकुट्टनशालयोः ।
विवृताना च सर्वेषां सामान्ये भोग इष्यते ॥
इति धर्मस्थीये वास्तुके गृहवास्तुकं अष्टमोऽध्याय
आदित पञ्चषष्ठिरध्यायः