पुटमेतत् सुपुष्टितम्
४३
षष्ठः सर्गः।
जलानि सर्वाण्यपि दुग्धवारिधेः
स्वकेन मार्गेण धराधरं सुराः ॥ १६ ॥
जिनोऽयमक्षीणमहानसर्द्धिभाग्
भविष्यतीत्यस्य विवक्षया स्फुटम् ।
वितीर्णमप्यम्बुधिना पयोऽखिलं
जिनाधिपायाक्षयतामयात् पुनः॥ १७ ॥
अथामरेन्द्रौ सुरवृन्दढौकितान्
भुजैरनेकैर्विकृतैः पयोघटान् ।
विधृत्य जन्माभिषवं विधीच्छया
सुनिर्मलस्यापि जिनस्य चक्रतुः ॥ १८ ॥
सुवर्णगारुत्मतरूप्यकुम्भिभि-
र्भुजासहस्रैरमराधिपावुभौ ।
व्यराजतां पाकशलाटुपुष्पिभि-
र्लतासहस्रैरिव कल्पशाखिनौ ॥१९॥
शिशुश्च शैलश्च धृतिं परीक्षितुं
ध्रुवं सुरेन्द्रद्वितयेन वारिधेः ।
निपीड्यमानौ युगपत् सुधाजलै-
रुभावभूतां समधैर्यसम्पदौ ॥२०॥
वहत्पयःपूरशतानि पाण्डुकाद्
बभुस्त्रिलोकैकगुरोर्जिनेशिनः ।
भरेण भिन्नादभितो विनिस्सरत्-
प्रभूतनिर्यासरसप्रवाहवत् ॥ २१ ॥
१. 'वपिष्य' ख. पाठः.