पुटमेतत् सुपुष्टितम्
२३
तृतीयः सर्गः।
देवाहिवासमणिराश्यनलैः प्रतीत-
देवोरगागमगुणोद्गमकर्मदाहः ॥ २९ ॥
एवंविधस्तव भविष्यति तीर्थकर्ता
पुत्रो जगच्चयविनेयजनैकमित्रम् ।
मर्त्यामरोरगखगप्रमदातिशायि-
पुण्यातिशायनघनायितचारुमूर्ते ! ॥ ३०॥
एतन्निशम्य वचनं रुचितस्य देवी
रोमाञ्चकञ्चुकितचञ्चुरगात्रयष्टिः ।
आकर्णितान्यभृतमञ्जुरवा वनान्ते
माकन्दवल्लिरिव कोरकिता बभूव ॥ ३१ ॥
देवोऽथ पूर्वगदितस्त्रिदिवादुपेतो
देव्या वपुः करिवपुर्वदनादविक्षत् ।
पक्षेऽपरे नभसि मासि तिथौ द्वितीये
योगे शिवे श्रवसि भे विरतौ रजन्याः॥ ३२ ॥
विज्ञायासनकम्पतः सुरपतिस्तस्यावतारं प्रभोः
स्वर्गादेत्य चतुर्विधैः सह सुरैरस्याम्बिकां कल्पजैः ।
आकल्पाम्बरगन्धमाल्यनिवहैरभ्यर्च्य नामं स्तबं
गानं नर्तनमारचय्य जनकं चाहत्य भूयो गतः॥३३॥
इत्यर्हद्दासकृतौ काव्यरत्ने भगवद्गर्भावतरणवर्णनो नाम
तृतीयः सर्गः ॥
१. क. पाठ:.
