पुटमेतत् सुपुष्टितम्
82
अलंकारमणिहारे
अथ संभवसरः (११८)
संभवोऽधिकसद्भावान्न्यूनस्थित्यवधारणम् ।
शते पञ्चाशन्न्यायेनाधिकसद्भावे न्यूनसद्भावावधारणं संभवः ॥
यथा--
कति कति वा तव करुणा व्यतिकरतो नाप्नुवञ् श्रियं नित्याम् । तेनैव ममापि श्रीजाने सा संभवेन्न किं ब्रूयाः ॥ २१२७ ॥
तेनैव करुणाव्यतिरेकेणैव । सा नित्यश्रीः ॥
यथावा--
कृष्णघन वर्षति त्वयि भुवनाभ्युदयाय दिव्यतमममृतम् । कथमिव न संभविष्यति चातकवृत्तेर्ममापि तल्लाभः ॥ २१२८ ॥
उदाहरणद्वयेऽपि अधिकसद्भावान्न्यूनसद्भावावधारणरूपसंभवप्रमाणं प्रदर्शितम् ।
यथावा--
स्फुरतां भवजलधौ चिरमुरुतान्तानां हठात्तव स्मरताम् । परताराप्तौ सत्यां परितापं त्यज भवेत्तवाप्येषा ॥ २१२९ ।।
अत्र--
ज्ञानतोऽज्ञानतो वाऽपि वासुदेवस्य कीर्तनात् । |