तस्मिन्वेंकटशैलेन्द्रे सुरासुरनमस्कृते । |
इति । तत्रैवान्यत्र-
वृषभाचलसंभूता तीर्थराजिविराजिता । |
इति । वामनपुराणे च-
तीर्थान्येतानि संभूय वर्तन्ते पर्वतोत्तमे । |
इति च ।
स्वामितीर्थं महापुण्यं सर्वपापप्रणाशनम् । |
इति ॥
स्वामित्वात्सर्वतीर्थानां स्वामितीर्थमितीरितम् ॥ |
इत्यदि चेत्यलं दूरधावनेन ॥
यथा वा --
तद्धितकृदन्तमच्युत तव नाम यदस्ति ननु समस्तमपि। प्रातिपदिकं हि तदिदं प्रभाति सत्सुप्रयोज्यमितरन्न ॥ ७६१ ॥
ननु अच्युत ! तत् सकलपुराणादिप्रसिद्धं हितकृदन्तं हितकृत् श्रेयस्कारि अन्तः पर्यवसानं यस्य तत् अन्ततश्श्रेयः- प्रदमित्यर्थः । यद्वा-हितकृत् अन्तः स्वरूपं यस्य तत् स्वभावत एव श्रेयस्करमित्यर्थः। 'अन्तोऽस्त्री निश्चये नाशे स्वरूपेऽग्रेऽन्तिकेऽन्तरे' इति रत्नमाला । अत्र ।