( प्रविश्य पत्रहस्ता )
प्रतीहारी--जेदु जेदु देवो [ जयतु जयतु देवः ]
राजा-वेत्रवति, न खल्वन्तरा दृष्टा त्वया देवी ।
प्रतीहारी--अह इं । पत्तहत्थं मं देखिञ पडिणिउत्ता । [ अथ किम् । पत्रहस्तां मां प्रेक्ष्य प्रतिनिवृत्ता ]
राजा--कार्यज्ञा कार्योपरोधं मे परिहरति ।
प्रतीहारी–देव, अमच्चो वेण्णवेदि । अत्थजादस्स गणणा- बहुलदाए एक्कं एव्व पोरकज्जं अवेक्खिदं तं देवो पत्तारूढं पञ्चक्खी करेदु त्ति । [ देव, अमात्यो विज्ञापयति । अर्थजातस्य गणना- बहुलतयैकमेव पौरकार्यमवेक्षितं तद्देवः पत्रारूढं प्रत्यक्षीकरोत्विति]
राजा—इतः पत्रिकां दर्शय ।
( प्रतीहार्युपनयाति )
राजा-( अनुवाच्य ) कथम् । समुद्रव्यवहारी सार्थवाहो धन- मित्रो नाम नौव्यसने विपन्नः । अनपत्यश्च किल तपस्वी । राजगामी तस्यार्थसंचय इत्येतदमात्येन लिखितम् । कष्टं खल्वन- पत्यता । बहुधनत्वद्धहुपत्नीकेन तत्रभवता भवितव्यम् । विचा- र्यतां यदि काचिदापन्नसत्त्वा तस्य भार्यासु स्यात् ।
जयतु जयतु देवः । अथ किम् । पत्रहस्तां मां प्रेक्ष्य प्रतिनिवृत्ता । देव, अभात्यो विज्ञापयति । अर्थजातस्य द्रव्यसमूहस्य गणनाबहुलतयैकमेव पौरकार्यमवेक्षितं तद्देवः पत्रारूढं प्रत्यक्षीकरोत्विति । नौध्यसने पोतभ्रंशे ।
शब्दापय आह्वेयेत्यर्थः । मेघप्रतिच्छन्द इति तस्य प्रासादस्य नाम ।
१ अज्ज ( अद्य ) इत्यधिकं क्व० पु० । २ पच्चवेक्खिदं तं दाव ( प्रत्यवेक्षितं
तत्तावत् ) इति क्व० पु० पाठः । ३ दर्शयति इति क्व० पु० पाठः ।
४ नौध्यसनेन इति क्व० पु० पाठ: । ५ वेत्रवति महाधनत्वात् इति
क्व० पु० पाठः । ६ अपि तस्य भार्या इति क्व० पु० पाठः ।
