अच्छिन्नमवनिगाढं द्युतिमत् स्निग्धं घनं विविधवर्णम् ।
द्विरुदितमनुलोभं च प्रशस्तमम्भः प्रयच्छति च ॥
अनुलोममिति यात्रासमये बोद्धव्यम् । यात्रायामेव बहुभिरेवम्भूतस्य धनुषः प्राशस्त्याभिधानात् ।
तथा च ऋषिपुत्रः ।
द्विरुद्गतमविच्छिन्नं स्निग्धमिन्द्रायुधं महत् ।
पृष्ठतो विजयाय स्याद्विच्छिन्नं परुषं न तु ॥
तथा च नन्दी ।
बहुवर्णमविच्छिन्नं द्विरुद्गतं स्निग्धममरपतिचापम् ।
पश्चात् पार्श्वे चापि प्रयाणकाले रिपु वधाय॥
बृहस्पतिः ।
नीलताम्रमविच्छिन्नं द्विगुणं स्निग्धमायतम् ।
पृष्ठतः पार्श्वयोर्वाऽपि जयायेन्द्रधनुर्भवेत् ॥
मयूरचित्रे ।
सन्नाहकाले सैन्यानां[१] वक्रमिन्द्रायुधं यदि ।
पक्षयोरुभयोर्मृत्युस्तढेत्याहुर्मनीषिणः ॥
पराशरः ।
प्रविच्छिन्ने बहुरागे स्निग्धवातानुबन्धे सद्यो वर्षं तथा कृष्णे स्निग्धे नीलाभ्रवृक्षत्रयस्थे सूर्येऽप्येवम् ।
अथाशुभसूचकेन्द्रधनुर्लक्षणमाह पराशरः ।
स्निग्धे समद्रद्विनगे वा वर्षमनृतौ भयं च ।
अथ वर्णफलं वराहसंहितयोः ।
पाटलपीतकनीलैः शस्त्राग्निक्षुत्कृता दोषाः ।
पराशरस्तु ।
रक्तमाञ्जिष्ठे श्यामारुणनीलपीतके भयम् । परुषे राजमृत्युं सर्वस्मिन्नेव च ।
- ↑ नक्तमिति च ।रक्तमिति घ. ।
