निरुत्तरतन्त्रम्/अष्टमः पटलः
अष्टमः पटलः
श्रीशिव उवाच -
शिव-शक्तिं च सम्पूज्य स्थापयेद् घटमुत्तमम् ।
नाति-ह्रस्वं नाति-दोर्घं स्वर्णरौप्यविनिमितम् ॥
विशेषार्घ्यस्य यन्त्रे वा त्रिकोणे वापि विन्यसेत् ।
काम-बीजेन सम्प्रोक्ष्य वाग्भवेनैव ताडयेत् ॥
शक्त्याधारे समारोप्य मायया पूरणं जलैः ।
मन्त्रेणानेन तीर्थानि देशिकस्तु प्रविन्यसेत् ॥
ॐ गङ्गाद्याः सरितः सर्वाः समुद्राश्व सरांसि च ।
सर्वे समुद्राः सरितः सरांसि च जलाह्रदाः ॥
ह्रदाः प्रस्रवणाः पुण्याः स्वर्ग-पाताल-भूषिताः ।
सर्व-तीर्थानि पुण्यानि घटे कुर्वन्तु सन्निधिम् ।।
श्री-बीजेन प्रजप्तेन पल्लवं प्रतिपादयेत् ।
कूर्चेन फल-दानं स्यात् स्त्री-बीजेन स्थिराचरेत् ।।
सिन्दूरः वह्नि-बीजेन पुष्पं प्रेतेन विन्यसेत् ।
मूलेन प्रणवेनापि दूर्वां दद्याद् विचक्षणः ॥
हूँ फट् स्वाहेति मन्त्रेण कुर्याद् दर्भेण ताडनम् ।
विचिन्त्य देवीं पीठं च तत्रावाह्य प्रपूजयेत् ॥
अनेनैव विधानेन सर्व-कर्मसु सुन्दरि !
घटं स्थाप्य यजेद् देवि ! षट्-कर्मसु विशेषतः ।।
महा-पूजां चरेद् धीमान् षोडशैरुपचारकैः ।
गुरूणां च महा-पूजा शक्तीनां च ततः परम् ॥
तत्पश्चात् साधकानां च कुर्याच्च परि-पूजनम् ।
कुमारीभ्यो बलिं दत्वा कुलजाभ्यो विशेषतः ।।
अभिषेकं ततो देवि ! कुर्याच्च गुरु-मार्गतः ।
स्वतन्त्रोक्त-विधानेन मन्त्रमुच्चारणैः सह ।।
चालयेत् तु घटं मन्त्री मन्त्रेणानेन देशिकः ।
उत्तिष्ठ ब्रह्म-कलश ! सेवितोऽशेष-सिद्धिदः ॥
सर्व-तोर्थाम्बु-पूर्णन पूरयामि मनोरथम् ।
ईशानेन्दु-स्मर-क्षौणी तदन्ते भुवनेश्वरी ॥
मन्त्रेणानेन वाद्यानां निर्घोषैश्चानयेद् घटं ।
अभिषिञ्चेद् गुरुः शिष्यं यजमानं पुरोहितः ॥
सिञ्चेद् दुष्ट-ग्रहेऽश्वत्थैः पल्लवैर्भूत-सङ्गमे ।
सिञ्चेदौडुम्बरैर्मन्त्र-दोषे च करवीरजैः ।।
यशो-धनाय तेजस्वी फल-कामे च भूतकैः ।
तुलसी-मञ्जरीभिश्व सर्व-पाप-क्षयाथिभिः ॥
सर्व-तीर्थ-फलावाप्तेः शाक्तानां विल्व-सम्भवैः ।
अभिचारे नासिंहैरभिषेकं प्रचक्ष्यते ।।
कुर्यात् दंर्भेषु गर्भेषु दोषेषु स्वीकृतेषु च ।
असौभाग्येन नारीणां दूर्वाभिः सेचनं चरेत् ॥
(अथवा) सर्व-कार्येषु सिद्धार्थैर्दूर्वया चूत-पल्लवैः ।
अस्याभिषेकस्य दक्षिणामूर्तिम् ऋषिरनुष्टुप्छन्दः,
शक्तिर्देवता सर्व-सङ्कल्प-सिद्ध्यर्थे विनियोगः ।
ॐ राज-राजेश्वरी शक्ति-भैरवी काल-भैरवी ॥
श्मशान-भैरवी देवी त्रिपुरानन्द-भैरवी ।
त्रिपुटा त्रिपुरा-देवी तथा त्रिपुर-सुन्दरी ॥
त्रिपुरेशी महादेवी तथा त्रिपुर-मालिका ।
त्रिपुरा-नन्दिनी देवी तत्रैव त्रिपुरातनी ॥
एतास्त्वामभिषिञ्चन्तु मन्त्र-पूतेन वारिणा ।
छिन्नमस्ता महादेवी तथा चैकजटेश्वरी ॥
तारा च जयदुर्गा च शूलिनी भुवनेश्वरी ।
हरिताख्या महादेवी तथा च रति-घण्टिका ॥
नित्या च नित्य-रूपा च वज्त्र-प्रस्तारिणी तथा ।
एतास्त्वामभिषिञ्चन्त मन्त्र-पूतेन वारिणा ।।
अश्वारूढा महा-देवी तथा महिष-मर्दिनी ।
दुर्गा च नव-दुर्गा च श्रीदुर्गा भग-मालिनी ॥
तथा भग-देवी देवी भग-क्लिन्नां तथा परा ।
सर्व-चक्रेश्वरी देवी तथा दक्षिण-कालिका ।।
एतास्त्वामभिषिञ्चन्तु मन्त्र-पूतेन वारिणा ।
क्षेमङ्करी महा-काली चानिरुद्धा सरस्वती ।।
मातङ्गी चान्नपूर्णा च राज-राजेश्वरी तथा ।
एतास्त्वामभिषिञ्चन्तु मन्त्र-पूतेन वारिणा ।
उग्र-चण्डा प्रचण्डा च चण्डोग्रा चण्ड-नायिका ।
चण्डा चण्ड-वती चैव चण्ड-रूपाति-चण्डिका ॥
एतास्त्वामभिषिञ्चन्तु मन्त्र-पूतेन वारिणा ।
उग्र-दंष्ट्रा महा-दंष्ट्रा सु-दंष्ट्रा तु कपालिनी ।।
भीम-नेत्रा विशालाक्षी मङ्गला विजया जया ।
एतास्त्वामभिषिञ्चन्तु मन्त्र-पूतेन वारिणा ।।
मङ्गला नन्दिनो भद्रा लक्ष्मीः कीतिर्यशस्विनी ।
पुष्टिर्मेधा शिवा साध्वी यशः शोभा जया धृतिः ॥
आनन्दा च सुनन्दा च नन्दिन्यानन्द-पूजिता ।
एतास्त्वामभिषिञ्चन्तु मन्त्र-पूतेन वारिणा ॥
विजया मङ्गला भद्रा स्मृतिः शान्तिः क्षमा धृतिः ।
सिद्धिस्तुष्टी रमा पुष्टिः श्रीः सिद्धिश्व रतिस्तथा ॥
दीप्ता कान्तिर्यशो-लक्ष्मीरीश्वरी बुद्धिरेव च ।
शक्री माया रतिर्बाह्मी जयन्ती चापराजिता ।।
अजिता मानवी श्वेता प्रीतिस्त्वदितिरेव च ।
माया चैव महा-माया मोहिनी क्षोभिणी तथा ॥
कमला विमला गौरी लावण्याम्बुधि-सुन्दरी ।
दुर्गा क्रियारुन्धती च तथैव विग्रहात्मिका ।।
चर्चाचका चापरा ज्ञेया तथैव सुर-पूजिता ।
वैवस्वती च कौमारी तथा माहेश्वरी परा ॥
वैष्णवी च महालक्ष्मीः कातिकी कौशिकी तथा ।
शिव-दूती च चामुण्डा मुण्ड-माला-विभूषिता ॥
एतास्त्वामभिषिञ्चन्तु मन्त्र-पूतेन वारिणा ।
इन्द्रो-वह्निर्यमश्चैव नैऋतो वरुणस्तथा ।।
पवनो धनदेशानो ब्रह्मानन्दो दिगीश्वराः ।
सम्वत्सराश्चायने च मास-पक्ष-दिनानि च ॥
तिथयश्चाभिषिञ्चन्तु मन्त्र-पूतेन वारिणा ।
रविः सोमः कुजः सोम्यो गुरुः शुक्रः शनैश्चरः ।।
राहुः केतुश्च सततमभिषिञ्चन्तु ते ग्रहाः ।
नक्षत्रं करणं योगोऽमृत-सिद्धिस्ततः परम् ॥
दग्धं पापं तथा भद्रा योगो वाराः क्षणास्तथा ।
वारं-वेला काल-वेला दण्डा राश्यादयस्तथा ॥
अभिषिञ्चन्तु सततं मन्त्र-पूतेन वारिणा ।
असिताङ्गो रुरुश्चण्डः क्रोध उन्मत्त-संज्ञकः ॥
कपाली भीषणाख्यश्च संहारोऽष्टौ च भैरवाः ।
एते त्वामभिषिञ्चन्तु मन्त्र-पूतेन वारिणा ।।
डाकिनो-पुत्रिका चैव राकिणो पुत्रिका तथा ।
ततश्च रङ्किणी-पुत्त्रो देवी-पुत्री ततः परं ॥
मातॄणां च तथा पुत्रो चोर्ध्व-मुख्याः सुताच याः ।
अधोमुख्याः सुताश्चैव व्याल-मुख्याः सुताः पराः ॥
एतास्त्वामभिषिञ्चन्तु मन्त्र-पूतेन वारिणा ।
ब्रह्मा विष्णुश्च रुद्रश्च ईश्वरश्च सदाशिवः ॥
एते त्वामभिषिञ्चन्तु मन्त्र-पूतेन वारिणा ।
पुरुषः प्रकृतिश्चैव विकाराश्चैव षोडश ।।
आत्मा परात्मा जीवात्मा ज्ञानात्मा परमात्मनः ।
आत्मानश्चात्मनश्चैव स्थल-सूक्ष्माश्च येऽपरे ।।
एते त्वामभिषिञ्चन्तु मन्त्र-पूतेन वारिणा ।
तन्निकेतनं ।। वेदादि-वीजं हूं वोजं स्त्री-वीजं
शक्ति-वीजं रमा-वीजं सुधा-वीजं च केवलं ।
चिन्ता-रत्नं महा-वीजं नारसिंहं च तारकं ॥
मार्तण्ड-भैरवं दौर्ग-वीजं श्रीपुरुषोत्तमं ।
गाणपत्यं च वाराहं काली-वीजं भयापहं ॥
त्त्वामेवमभिषिञ्चन्तु मन्त्र-पूतेन वारिणा ।
वह्निश्र वह्निजाया च वषट् कूर्चमतः परं ॥
वौषट्-कारं तु फट्-कारमभिषिञ्चन्तु सर्वदा ।
नश्यन्तु प्रेत-कूष्माण्डा राक्षसा दानवाश्च ये ।।
पिशाच-गुह्यका भूता अभिषेकेन र्तापताः ।
अलक्ष्मीः काल-कर्णी च पापानि सुमहान्ति च ॥
नश्यन्तु चाभिषेकेन तारा-वीजेन ताडिताः ।
रोगाः शोकाश्च दारिद्र्यं दौर्बल्यं चित्त-विभ्रमं ॥
नश्यन्तु चाभिषेकेन मन्मथेन च ताडिताः ।
तेजो ह्रासो बुद्धि-हासः शक्ति ह्रासस्तथैव च ॥
नश्यन्तु चाभिषेकेन शक्ति-वीजेन ताडिताः ।
निरामिषा महा-रोगा डाकिन्यो मातरस्तथा ।।
घोराभिचाराः क्रूराश्व ग्रह-नागास्तथैव च ।
नश्यन्तु चाभिषेकेन काली-बीजेन ताडिताः ॥
नश्यन्तु विपदः सर्वे सम्पदः सन्तु सुस्थिराः ।
पूर्णाभिषेके शाक्तानां पूर्णाः सन्तु मनोरथाः ॥
एवमासिञ्च्य शिष्यं तु पुनः पूजां समारभेत् ।
शिष्योऽपि तत्र सम्पूज्य गुरवे दक्षिणां ददेत् ।।
गो भूमिः स्वर्ण-रूप्यं च नाना-रत्नानि पार्वति !
सर्वस्वं वा तदर्द्ध वापि दक्षिणा ।।
श्रीविद्यां सिद्ध-कालीं च तारां वा महिष-दिनीं ।
शिष्याय भक्ति-युक्ताय प्रदद्यात् देशिकः स्वयं ।॥
श्रीविद्यां कालिकां तारां यो जपेत् परमेश्वरों ।
तस्मै नैव प्रदातव्यं आसां मन्त्रं विना प्रिये ॥
प्रणम्य दण्ड-वद् भूमौ ततश्च परि-कल्पयेत् ।
त्रैलोक्ये योषितां नाथ ! कि करोमि वदस्व मे ॥
श्रीगुरुरुवाच -
कुलाचारं च नो वत्न ! सुगोप्यं कुरु सर्वतः ।
स्व-शक्तिं कौलिकीं कृत्वा तत्त्र पूजां प्रकल्पयेत् ॥
सिद्ध-मन्त्रो यजेच्छक्तिं कायेन मनसापि वा ।
पर-योषां विशेषेण सिद्ध-मन्त्री प्रपूजयेत् ॥
एतानि कुल-कर्माणि गुरुभिरुदितानि च ।
यावन्नैव सिद्ध-मन्त्री तावच्च स्व-कुलं व्रजेत् ॥
।। इति श्रीनिरुत्तर-तन्त्रे शिवपार्वती-सम्वादे अष्टमः पटलः ।।