न नृत्येदथवा गायेन्न वादित्राणि वादयेत् । |
न नृत्येदिति ॥ अशास्त्रीयाणि नृत्यगीतवाद्यानि नाचरेत् । पाणिना बाहौ ध्वनिरूपमास्फोटनं न कुर्यात् । अव्यक्तदन्तशब्दात्मकं क्ष्वेडनं न कुर्वात् । नच सानुरागो रासभादिरावं कुर्यात् ॥ ६४ ॥
न पादौ धावयेत्कांस्ये कदाचिदपि भाजने । |
न पादाविति ॥ कांस्यपात्रे कदाचित्पादौ न प्रक्षालयेत् । ताम्ररजतसुवर्णानां भिन्नमभिन्नं वेति न दोष इति पैठीनसिवचनादेतद्व्यतिरिक्तभिन्नभाण्डे न भोजनं कुर्यात् । यत्र मनो विचिकित्सति तद्भावदुष्टं तत्र न भुञ्जीत ॥ ६५ ॥
उपानहौ च वासश्च धृतमन्यैर्न धारयेत् । |
उपानहाविति ॥ उपानद्वस्त्रयज्ञोपवीतालंकारपुष्पमालाकमण्डलून्परोपभुक्तान्न धारयेत् ॥ ६६ ॥
नाविनीतैर्व्रजेद्धुर्यैर्न च क्षुद्व्याधिपीडितैः । |
नाविनीतैरिति ॥ अश्वगजादिभिर्वाहनैरदमितैः क्षुधा व्याधिना च पीडितैर्भिन्नशृङ्गाक्षिखुरैश्छिन्नचालधिभिश्च न यायात् ॥ ६७ ॥
विनीतैस्तु व्रजेन्नित्यमाशुगैर्लक्षणान्वितैः । |
विनीतैस्त्विति ॥ दमितैः शीघ्रगामिभिः शुभसूचकलक्षणोपेतैः शोभनवणैर्मनोज्ञाकृतिभिः प्रतोदेनात्यर्थमपीडयन्गच्छेत् ॥ ६८ ॥
बालातपः प्रेतधूमो वर्ज्यं भिन्नं तथासनम् । |
बालातपमिति ॥ प्रथमोदितादित्यतापो बालातपः स च मुहूर्तत्रयं यावदिति मेधातिथिः । कन्यार्कातप इत्यन्ये । प्रेतधूमो दह्यमानशवधूमः । भग्नासनं च एतानि वर्जनीयानि । नखानि च रोमाणि च प्रवृद्धानि न छिन्द्यात् । दन्तैश्च नखान्नोत्पाटयेत् ॥ ६९ ॥
न मृल्लोष्ठं च मृद्गीयान्न च्छिन्द्यात्करजैस्तृणम् । |
न मृल्लोष्ठमिति ॥ 'नाकारणं मृल्लोष्ठं मृद्गीयात् । तृणानि च न छिन्यात्' इत्या-