प्रभवहीनः प्रकृतियोगक्षेमसिद्धौ यतेत ॥
जनपदस्सर्वकर्मणां योनि ; ततः प्रभवः तस्य स्थान-
मात्मनश्च आपदि दुर्गम् ॥
सेतुबन्धस्सस्यानां योनिः , निसानुषक्तो हि वर्षगुणलाभः
सेतुवापेषु ॥
वणिक्पथः परातिसन्धानस्य योनिः । वणिक्पथेन हि
दण्डगूढपुरुषातिनयनं शस्त्रावरणयानवाहनक्रयश्च क्रियेत । प्र.
वेशो निर्णयनं च ॥
खनिस्सङ्गामोपकरणानां योनिः ॥
द्रव्यवनं दुर्गकर्मणां ; यानरथयोश्च ।।
हस्तिवनं हस्तिनाम् ।।
गवाश्वरथोष्ट्राणां च व्रजः ॥
तेषामलामे बन्धुमित्रकुलेभ्यः समार्जनं उत्साहहीनश्रेणी-
प्रवीरपुरुषाणां चोरगणाटविकम्लेच्छजातानां परापकारिणां
गूढपुरुषाणां च यथालाभमुपचयं कुर्वीत ॥
परमित्रा(श्रा)प्रतीकारमाबलीयसं वा परेषु प्रयुञ्जीत ॥
एवं पक्षेण मन्त्रेण द्रव्येण च बलेन च ।
सम्पन्नः प्रतिनिगच्छेत् परावग्रहमात्मनः ।।
इति षाड्गुण्ये हीनशक्तिपूरणं चतुर्दशोऽध्यायः
आदितो द्वादशशतः