तयोर्मानुषोपेतो ज्येष्ठांशादर्धं लभेत ॥
नानास्त्रीपुत्राणां तु संस्कृतासंस्कृतयो. कन्याकृतक्रियाभावे
चैकस्याः, पुत्रयोर्यमयोर्वा पूर्वजन्मना ज्येष्ठभावः ॥
सूतमागधव्रात्यरथकाराणामैश्वर्यतो विभागः शेषास्तमुपजी-
वेयुः। अनीश्वरास्समविभागा इति ॥
चातुर्वर्ण्यपुत्रणां ब्राह्मणीपुत्रश्चतुरोंऽशान् हरेत् ॥
क्षत्रियापुत्रस्त्रीनंशान् ।।
वैश्यापुत्रो द्वावंशौ ॥
एक शूद्रापुत्र ॥
तेन त्रिवर्णद्विवर्णपुत्रविभाग क्षत्रियवैश्ययोव्याख्यात. ॥
ब्राह्मणस्यानन्तरापुत्रस्तुल्यांशः; क्षत्रियवेश्ययोरर्धांशः, तु-
ल्यांशो वा मानुषोपेत ॥ .
तुल्यातुल्ययोरेकपुत्रस्सर्वं हरेत् । बन्धूंश्च विभृयात् ।।
ब्राह्मणानां तु पारशवस्तृतीयमंशं लभेत । द्वावंशौ सपि-
ण्डः कुल्यो वाऽऽसन्नः स्वधादानहेतोः। तदभावे पितुराचा-
र्योऽन्तेवासी वा॥
क्षेत्रे वा जनयेदस्य नियुक्त क्षेत्रजं सुतम् ।
मातृबन्धुस्सगोत्रो वा तस्मै तत्प्रदिशेद्धनम् ।।
इति धर्मस्थीये दायविभागेऽशविभाग.
षष्ठोऽध्यायः आदितस्त्रिषष्टितम .
