एतत् पृष्ठम् परिष्कृतम् अस्ति
५८
श्रीवेङ्कटाचलमाहात्म्यम्
सुवर्णमन्नं ताम्बूलं सुगन्धं शीतलं जलम् ।
अत्र दत्त्वा नरः पूतः सर्वान् कामानवाप्नुयात् ॥ ४४
तुम्बुरुः---
'भगवन् ! मम नाम्नैव तीर्थमेतत् प्रसिद्ध्यतु' ।
'तथाऽस्त्वि'त्युक्तवान् विष्णुः तुम्बुरुं पुनरब्रवीत् ॥ ४५
श्रीभगवान्---
'नारदेन सहैव त्वं पूतो मत्कीर्तनं कुरु ।
येऽत्र फल्गुनराकाषां स्नानदानादि कुर्वते ॥ ४६
इह लोके परत्रापि तेषामिष्टं ददाम्यहम्' ।
इत्युक्तास्तुम्बुरुमुखाः तुष्टा याता यथागतम् ॥ ४७
इति श्रीब्रह्मोत्तरखण्डे श्रीवेङ्कटाचलमाहात्म्ये तीर्थमाहात्म्ये
तुम्बुरुतीर्थमाहात्म्यं नाम एक-
पञ्चाशत्तमोऽध्यायः ।