श्रीभगवान्:---
'तुम्बुरो ! तुम्बुरो ! वत्स ! मां पश्य किमपक्षसे' ।
इति ब्रुवन्तं तमृषिः ददर्शोन्मील्य चक्षुषी ॥ २६
साष्टाङ्गं तं प्रणम्याथ देवदेवं ददर्श ह ।
तस्य पार्श्वे सेवमानं ददर्शानन्तमव्ययम् ॥ २७
गरुडं गिरिसङ्काशं विष्वक्सेनं महाप्रभुम् ।
अगस्त्यमृषिमुख्यञ्च देवपादावलेकिनम् ॥ २८
अन्यान् द्वैपायनादींश्च ऋषीनञ्जलिबन्धनान् ।
सनकाद्यान् योगिनश्च वैखानसमुनीनपि ॥ २९
शुक्रमानसपुत्रांश्च शुक्रञ्च मुनिसत्तमम् ।
देवगन्धर्वसिद्धांश्च विश्वावसुमुखानपि ॥ ३०
यक्षान् किंपुरुषांश्चैव किन्नरोरगनायकान् ।
जय देव ! जगन्नाथ ! सावधान मनोजय ! ॥ ३१
इति मेघरवोदग्रान् वेत्रापाणींश्च कांश्चन ।
आब्रह्मलोकदायातान् अप्सरोगणमागतम् ॥ ३२
आहूयाशेषलोकं तं
आह शेषगिरीश्वरः ।
'भोभोः ! सर्वेऽपि तीर्थेऽस्मिन्
स्नानं कुरुत मा चिरम् ॥ ३३
समस्तपापहरणे सर्वश्रेयोविधायिनि' ।
इति वाक्यं समाकर्ण्य भक्त्या सङ्कल्प्य वाग्यतः ॥ ३४
'गोविन्दे'ति ततः स्नात्वा तीरमारुरुहुश्च ते ।
शुद्धहृत्तुम्बुरुश्चापि स्नात्वा तैः सहितस्तथा । ३५
