एतत् पृष्ठम् परिष्कृतम् अस्ति
श्रीरस्तु
श्री श्रीनिवासपरब्रह्मणे नमः
श्रियै पद्मावत्यै नमः
श्रीमते विष्वक्सेनाय नमः
श्रीवेङ्कटाचलमाहात्म्यम्
******
(श्रीब्रह्मोत्तरखण्डान्तर्गतम्)
|
श्रियःकान्ताय कल्याणनिधये निधयेऽर्थिनाम् । |
हरिः ॐ
पञ्चाशत्तमोऽध्यायः
ब्रह्माणं प्रति वसिष्ठप्रार्थनया स्वपौरोहित्यपापनिवृत्तिः
ऋषय ऊचुः
सूत ! वेदार्थतत्वज्ञ ! वेदव्यासकृपानिधे ! ।
ब्रूहि नः सर्वतीर्थेषु तीर्थं सर्वाघनाशनम् ॥ १
सूत:---
कथयामि कथां सम्यक् सर्वपापापनोदिनीम् ।
यस्याः श्रवणमात्रेण दृष्टादृष्टफलागमः ॥ २
प्राप्नुवन्ति महत्पुण्यं इति सर्वर्षिसम्मतम् ।
कथायां कथ्यमानायां ये भवन्त्यपराङ्मुखाः ॥ ३
