बृहत्संहिता/अध्यायः ७२
| ← अध्यायः ७१ | बृहत्संहिता अध्यायः ७२ वराहमिहिरः |
अध्यायः ७३ → |
७२ छत्रलक्षणाध्यायः ।।
निचितं तु[क्ऽस्त्र्. नु] हंसपक्षैः कृकवाकुमयूरसारसानां वा ।
दौकूल्येन[क्.दौकूलेन] नवेन तु समन्ततश्छादितं शुक्लम् ।। ७२.०१ ।।
मुक्ताफलैरुपचितं प्रलम्बमालाआविलं स्फटिकमूलम् ।
षड्ढस्तशुद्धहैमं नवपर्वनगएकदण्डं तु ।। ७२.०२ ।।
दण्डार्धविस्तृतं तत्समावृतं रत्नभूषितम्[क्.रत्नविभूषितम्, क्ऽस्त्र्. रत्नभूषितम्] उदग्रम् ।
नृपतेस्तदातपत्रं कल्याणपरं विजयदं च ।। ७२.०३ ।।
युवराजनृपतिपत्न्योः सेनापतिदण्डनायकानां च ।
दण्डो +अर्धपञ्चहस्तः समपञ्च*कृतो +अर्ध[क्.कृतार्ध]विस्तारः ।। ७२.०४ ।।
अन्येषां उष्णघ्नं प्रसादपट्टैर्विभूषितशिरस्कम् ।
व्यालम्बिरत्नमालं छत्रं कार्यं तु[क्.च] मायूरम् ।। ७२.०५ ।।
अन्येषां तु नराणां शीतऽतपवारणं तु चतुरस्रम्[क्.चतुरश्रम्] ।
समवृत्तदण्डयुक्तं छत्रं कार्यं तु विप्राणाम् ।। ७२.०६ ।।